ৰাজ্যৰ ৰাজনীতিত যোগদানৰ ভূঁইকপ ।বিজেপিত যোগ দিব আন এগৰাকী কংগ্ৰেছ বিধায়ক

ভূপেন বৰাৰ পিছতেই ৪৮ ঘণ্টাৰ ভিতৰত আন এগৰাকী কংগ্ৰেছ বিধায়কে যোগ দিব বিজেপিত। ৰাজনৈতিক মহলত ব্যাপক চৰ্চা চলিছে কোন কংগ্ৰেছ বিধায়কে যোগ দিব বিজেপিত । কংগ্ৰেছ বিধায়ক বিজেপিত যোগদান কৰিলে বাজপেয়ী ভৱনে আজিকালি তথ্য নিশ্চিত নকৰে বৰঞ্চ হিমন্ত বিশ্ব শৰ্মাৰ শিবিৰে নিশ্চিত কৰে । সূত্ৰ অনুসৰি অমিত শ্বাহৰ উপস্থিতত কংগ্ৰেছৰ এক বৃহৎ গোটে যোগদান কৰিব। ভূপেন বৰাৰ লগত কংগ্ৰেছৰ ১ গৰাকী বিধায়ক যোগদান কৰিব পাৰে বিজেপিত । সমষ্টি পুনঃ নিৰ্ধাৰণ হোৱাৰ পিছত ৰাজনৈতিক অস্তিত্ব সংকটত থকা বিধায়ক ক্ৰমে : দিগন্ত বৰ্মন, যাদৱ স্বৰ্গয়াৰী,প্ৰদীপ সৰকাৰ আৰু নন্দিতা দাস বৰ্তমান অস্তিত্বৰ সংকটত আছে । বিজেপিৰ এগৰাকী বিধায়কৰ মধ্যস্থতাত আজি দিশপুৰত নিজৰ চৰ্ত ৰাখিব আৰু গেৰুৱা হোৱাৰ দিনবাৰ তাৰিখ ফাইনেল কৰি আহিব । ৪ গৰাকী বিধায়কৰ ভিতৰত ১ গৰাকীয়ে যোগদানৰ সন্মতি দিছে । অসমৰ ৰাজনীতিত ৪৮ ঘণ্টাৰ ভিতৰত বৃহৎ পট পৰিৱৰ্তন ঘটিব।