ভীক্ষাৰীৰ দেশলৈ পৰিণত হোৱা বাংলাদেশ-পাকিস্তানৰ নতুন বিমান সেৱা

১ যুগৰ পিছত বাংলাদেশ- পাকিস্তানৰ মাজত পোনপটীয়া বিমান সেৱাসুদীৰ্ঘ ১৪ বছৰৰ মূৰত পুনৰ আৰম্ভ হ’ল পাকিস্তান আৰু বাংলাদেশৰ মাজত পোনপটীয়া বিমান সেৱা ৷ বাংলাদেশ এয়াৰলাইন্সে ঢাকা-কাৰাচীৰ মাজত এখন উদ্বোধনী বিমান চলাচলৰ দ্বাৰা এই সেৱা পুনৰ আৰম্ভ কৰে বুলি স্থানীয় সংবাদপত্ৰ ডনে প্ৰকাশ কৰিছে ।আনহাতে পাকিস্তান বিমানবন্দৰ কৰ্তৃপক্ষই এক বিবৃতিত কয় যে বাংলাদেশ এয়াৰলাইন্সৰ বিমানখনে বৃহস্পতিবাৰে নিশা কৰাচীৰ জিন্না আন্তঃৰাষ্ট্ৰীয় বিমানবন্দৰত অৱতৰণ কৰাৰ পিছত পৰম্পৰাগত জল কামানৰ চেলুট লাভ কৰে ।ডনে উল্লেখ কৰা ফ্লাইট ট্ৰেকিং তথ্য অনুসৰি বাংলাদেশ এয়াৰলাইন্সৰ বিমান বিজি ৩৪১ ঢাকাৰ হজৰত শ্বাহজালাল আন্তঃৰাষ্ট্ৰীয় বিমানবন্দৰৰ পৰা নিশা ৮:১৫ বজাত উৰা মাৰি নিশা ১১:০৩ বজাত কৰাচীত উপস্থিত হয়।বিমানবন্দৰত সাংবাদিকৰ সৈতে হোৱা এক সাক্ষাৎকাৰত সিন্ধৰ ৰাজ্যপাল কামৰাণ টেছ’ৰীয়ে কয় যে বাংলাদেশৰ সৈতে সহযোগিতা বিমান পৰিবহণৰ বাহিৰেও অন্যান্য খণ্ডলৈও বিস্তৃত হ’ব ।ইয়াৰ পূৰ্বে ঢাকাত থকা পাকিস্তানৰ উচ্চায়ুক্তই জনোৱা মতে, “সম্পূৰ্ণ ভৰ্তি” উদ্বোধনী বিমানখন হজৰত শ্বাহজালাল আন্তঃৰাষ্ট্ৰীয় বিমানবন্দৰৰ পৰা যাত্ৰা কৰে ৷ এই উপলক্ষে আয়োজিত উদ্বোধনী অনুষ্ঠানত ভাষণ দি বাংলাদেশৰ অসামৰিক বিমান পৰিবহণ আৰু পৰ্যটন উপদেষ্টাগৰাকীয়ে কয় যে ঢাকা-কাৰাচী পথৰ লক্ষ্য হৈছে “সংযোগ বৃদ্ধি, পৰ্যটনক প্ৰসাৰ কৰা আৰু মানুহৰ মাজত সংযোগ শক্তিশালী কৰা ৷” বাংলাদেশ এয়াৰলাইন্সে ক্ৰমান্বয়ে বিমানৰ ভাৰা হ্ৰাস কৰি জনসাধাৰণৰ বাবে যাত্ৰা অধিক সুলভ কৰি তুলিব বুলি তেওঁ কয় ।