বৃহস্পতিবাৰে কানাডাক আমেৰিকাত বিক্ৰী হোৱা যিকোনো বিমানৰ ওপৰত ৫০% শুল্ক আৰোপ কৰাৰ ভাবুকি দিয়ে ৰাষ্ট্ৰপতি ড’নাল্ড ট্ৰাম্পে । এয়া আমেৰিকাৰ উত্তৰ দিশৰ প্ৰতিবেশীৰ সৈতে তেওঁলোকৰ অৰ্থনৈতিক সংঘৰ্ষৰ শেহতীয়া প্ৰত্যুত্তৰ ৷ কিয়নো শেহতীয়াকৈ প্ৰধানমন্ত্ৰী মাৰ্ক কাৰ্নিৰ সৈতে ট্ৰাম্পৰ বিবাদ যথেষ্ট বৃদ্ধি পোৱা দেখা গৈছে ।
সামাজিক মাধ্যমযোগে ট্ৰাম্পে এই ভাবুকি দিয়াৰ পিছতে তেওঁ সপ্তাহটোৰ শেষৰফালে কানাডাৰ পৰা আমদানি কৰা সামগ্ৰীৰ ওপৰত ১০০% শুল্ক আৰোপ কৰাৰ ভাবুকি দিছিল ৷ অৱশ্যে এয়া তেতিয়াহে হ’ব যদিহে কানাডাই চীনৰ সৈতে পৰিকল্পিত বাণিজ্যিক চুক্তিত স্বাক্ষৰ কৰিবলৈ আগবাঢ়ে ৷
কিন্তু ট্ৰাম্পে এই ভাবুকিত তেওঁ কেতিয়া আমদানি কৰ আৰোপ কৰিব সেই সম্পৰ্কে কোনো সবিশেষ নাছিল, কিয়নো কানাডাই ইতিমধ্যে চুক্তিবদ্ধ হৈছিল । ট্ৰাম্পৰ শেহতীয়া ভাবুকিত ৰিপাব্লিকান ৰাষ্ট্ৰপতিগৰাকীয়ে কয় যে জৰ্জিয়াস্থিত গল্ফষ্ট্ৰিম এৰ’স্পেচৰ জেট বিমানক প্ৰমাণীকৰণ দিবলৈ অস্বীকাৰ কৰাৰ বাবে তেওঁ কানাডাৰ বিৰুদ্ধে প্ৰতিশোধ লৈছে ।
ট্ৰাম্পে কয় বিনিময়ত আমেৰিকাই নিজৰ সৰ্ববৃহৎ বিমান নিৰ্মাতা কোম্পানী বম্বাৰ্ডিয়াৰৰ বিমানকে ধৰি কানাডাৰ সকলো বিমানকে প্ৰমাণপত্ৰমুক্ত কৰিব । ট্ৰাম্পে নিজৰ পোষ্টত কয়, ‘‘যদি কোনো কাৰণত এই পৰিস্থিতি তৎক্ষণাত শুধৰোৱা নহয়, তেন্তে মই কানাডাৰ পৰা আমেৰিকা যুক্তৰাষ্ট্ৰত বিক্ৰী হোৱা যিকোনো আৰু সকলো বিমানৰ ওপৰত ৫০% শুল্ক ল’ম ।’’
বৃহস্পতিবাৰে সন্ধিয়া বম্বাৰ্ডিয়াৰৰ মুখপাত্ৰ আৰু কানাডাৰ পৰিবহণ মন্ত্ৰীয়ে মন্তব্য বিচৰা বাৰ্তাৰ কোনো সঁহাৰি নিদিলে । ইয়াৰ পূৰ্বে আমেৰিকাৰ বাণিজ্য বিভাগে ২০১৭ চনত প্ৰথম ট্ৰাম্প প্ৰশাসনৰ সময়ত বম্বাৰ্ডিয়াৰ বাণিজ্যিক যাত্ৰীবাহী জেট বিমানত শুল্ক আৰোপ কৰিছিল, কানাডাৰ কোম্পানীটোৱে আমেৰিকাত বিমানসমূহ খৰচতকৈ কমকৈ বিক্ৰী কৰা বুলি অভিযোগ উত্থাপন কৰিছিল ।
তেতিয়া আমেৰিকাই কৈছিল যে মণ্ট্ৰিয়েলস্থিত বম্বাৰ্ডিয়াৰে অনুচিত চৰকাৰী ৰাজসাহায্য ব্যৱহাৰ কৰি কৃত্ৰিমভাৱে কম মূল্যত জেট বিমান বিক্ৰী কৰিছিল । পিছত ৱাশ্বিংটনত থকা আমেৰিকাৰ আন্তঃৰাষ্ট্ৰীয় বাণিজ্য আয়োগে ৰায় দিয়ে যে বম্বাৰ্ডিয়াৰে আমেৰিকাৰ উদ্যোগক আঘাত কৰা নাই ।