জ’মেটো প্ৰতিষ্ঠাপক দীপিন্দৰ গোয়েলে বাতৰিৰ শিৰোনাম দখল কৰিছে ৷ কিয়নো শেহতীয়াকৈ তেওঁ ৰাজ শমণিৰ পডকাষ্ট শ্ব’ “ফিগাৰিং আউট”ত অতিথি হিচাপে উপস্থিত আছিল, ইয়াৰ পিছতে প’ডকাষ্টৰ পৰাই কিছুমান ফ’টো ভাইৰেল হ’বলৈ ধৰিলে ৷ কাৰণ তেওঁৰ কুমত লাগি থকা এটা সৰু গেজেটে সকলোৰে দৃষ্টি আকৰ্ষণ কৰি ছ’চিয়েল মিডিয়াত জল্পনা-কল্পনাৰ সৃষ্টি কৰে ৷ কিছুমানে ইয়াক পেচ বা চাৰ্জিং পেড বুলি ভুলকৈ ভাবিছিল ৷ কিন্তু আপোনালোকক জনাই দিও যে দীপিণ্ডাৰ গোয়েলে তেওঁৰ কুমত যি ডিভাইচ পৰিধান কৰিছে তাৰ আঁৰৰ বাস্তৱ কাহিনী একেবাৰেই পৃথক ৷ তেওঁ পৰিধান কৰা এই যন্ত্ৰটোক Temple device বুলি কোৱা হয়, কিন্তু প্ৰশ্ন হয়: এই যন্ত্ৰটোৰ কাম কি ? ইয়াক কিয় ব্যৱহাৰ কৰা হয় ? ইয়াৰ বিষয়ে অধিক জানিবলৈ আমি এপ’ল’ হাস্পতালৰ জ্যেষ্ঠ পৰামৰ্শদাতা – স্নায়ুবিজ্ঞান ডাঃ জুবাইৰ চৰকাৰৰ সৈতে বাৰ্তালাপত মিলিত হৈছিলো আৰু তেওঁ এই ডিভাইচটোৰ বিষয়ে কি ক‘লে বিতংভাৱে জানো আহক-
Temple device মানে কি ?
Temple device হৈছে মগজুত স্থাপন কৰা এক প্ৰকাৰৰ যন্ত্ৰ ৷ তেজৰ সঞ্চালন জুখিব পৰা (মগজুত ৰক্ত সঞ্চালন) ৷ এই সৰু, সোণ বা ৰূপৰ ৰঙৰ চেন্সৰটো মূৰৰ আৰু কাণৰ মাজত পিন্ধা হয় ৷ ই মগজুত তেজৰ চলাচল বাস্তৱ সময়ত অনুসৰণ কৰে ৷ আচলতে বহুতে মগজুত ৰক্ত সঞ্চালনক স্নায়ুজনিত স্বাস্থ্য আৰু বয়স বৃদ্ধিৰ এক গুৰুত্বপূৰ্ণ সূচক বুলি গণ্য কৰে ৷
চিকিৎসকৰ মতামত কি ?
ডাঃ জুবাইৰ চৰকাৰে কয় যে, “জ’মেটোৰ প্ৰতিষ্ঠাপক দীপিন্দৰ গোয়েলে কুমত পৰিধান কৰা “Temple device” নামৰ যন্ত্ৰ এটাৰ প্ৰতি মানুহৰ কৌতুহল হোৱাটো স্বাভাৱিক ৷ খবৰ অনুসৰি ই এটা চেন্সৰ ভিত্তিক যন্ত্ৰ যিয়ে মগজুলৈ তেজৰ সোঁত বা মগজুৰ তেজৰ চলাচল নিৰীক্ষণ কৰে বুলি দাবী কৰে